جولای 11, 2020

پکتیکا، مټاخان ولسوالۍ کې د پوهنې مسئولینو د ښوونيزو ادارو له مسئولینو سره ولیدل

پکتیکا، مټاخان ولسوالۍ کې د پوهنې مسئولینو د ښوونيزو ادارو له مسئولینو سره ولیدل

د پکتیکا ولایت د پوهنې مسوول د یوه پلاوي په مشرۍ د مټاخان ولسوالۍ د ښوونيزو ادارو له مهتممینو او مديرانو سره جلا – جلا غونډې وکړې.

د تعلیم اوتربیې یاد پلاوي دې غونډو ته د سیمې د دیني مدارسو مهتممین او د ښوونځیو مدیران رابللي وو، له هغوی سره د ښوونیز بهیر د چټکتیا او بېرته د تعلیمي ادارو د خلاصون لپاره د لازمو تدابیرو په نیولو خبرې او مشورې وشوې.

ګډونوالو ته د مدارسو او د ښوونځیو نصابونه او د مدارسو ۲۰ ماده يیز او د ښوونځیو ۵۱ ماده يیز طرزالعملونه ورکړل شول او د پلي کیدلو په اړه ورته لازمې سپارښتنې وشوې، همداراز د لایحې ځينې مهمې مادې چې په دوی پورې يې اړه وه، هم ورته بیان شوې.

همدا ډول د غونډو ګډونوالو ته د سپارښتنو په ترڅ کې وویل شول چې خپل اړوند پرسونل دې ته متوجه کړي، تر څو د ولس بچیان د خپل مقدس مسئولیت له مخې په سالمه دیني او عصري روزنه سمبال کړي .

۵/۱۰/۲۰۲۰

Related posts