جولای 11, 2020

د پکتیکا ولایت په ډیله ولسوالۍ کې د دوو دیني لیلیه مدرسو د بنسټ ډبرې کېښودل شوې

د پکتیکا ولایت په ډیله ولسوالۍ کې د دوو دیني لیلیه مدرسو د بنسټ ډبرې کېښودل شوې

د پکتیکا ولایت د پوهنې د ځايي مسئولینو په زیار او هڅو ددې ولایت د ډیلې ولسوالۍ اړوند په پوټي سیمه کې د دارالهدی په نوم او په پهلوان سیمه کې د معارف القرآن په نوم د لیلیه مدرسو د بنسټ ډبرې کېښودل شوې.

یادې مدرسې چې د سیمه ییزو ولسونو په مالي لګښت تأسیسیږي او په راتلونکې کې به د همدوی له لوري تمویلیږي، د علماء کرامو او قومي مشرانو له لوري د غونډو په ترڅ کې یې د بنسټ ډبرې کېښودل شوې او په لنډ وخت کې به یې د جوړونې چارې پیل او بشپړې شي.

په دې غونډه کې چې په همدې موخه په یاده سیمه کې جوړه شوې وه، د پکتیکا ولایت د تعلیم او تربیې مسئولینو په خپلو خبرو کې دسیمې خلکو او د مدرسو مشرانو ته وویل چې دوی به په دې ولایت کې د پوهنې د ودې او پیاوړتیا لپاره جدي هلې ځلې وکړي، په ځانګړې ډول له دیني مدرسو سره هر ډول مرستو او همکاریو ته چمتو دي.

۵-۶-۲۰۲۰

Related posts