اګست 22, 2019

د سویل لوېدیځې حوزې اړوند ولایتونو کې د روان (۱۳۹۸)  هـ ش کال دښوونځیو څلورنیم میاشتنۍ ازموینې پیل شوې

د سویل لوېدیځې حوزې اړوند ولایتونو کې د روان (۱۳۹۸)  هـ ش کال دښوونځیو څلورنیم میاشتنۍ ازموینې پیل شوې

د اسلامي امارت د تعلیم او تربيې او عالي تحصيلاتو کميسيون تر څارنې د هیواد د سویل لوېديځې حوزې اړوند ولایتونو کې د ښوونځیو  څلورنیم میاشتینۍ ازموینې پيل شوې.

دغه ازموینې داسلامي امارت د معارف د مسئولینو تر بشپړ کنټرول او نظارت لاندې د سې شنبې په ورځ د سرطان د میاشتې پر (۲۵)نېټه پیل شوې.

ټاکل شوې ده چې د اسد د میاشتې په  لسمه نېټه پای ته ورسیږي، ازموينې په میدان وردګ، جوزجان، فاریاب، بادغیس، سرپل، غور او هرات ولایتونو کې په شفاف ډول رواني دي او د هر ډول درغلیو مخه د اسلامي امارت د تعلیم او تربیې د ناظرینو له لورې په کلکه نیول کیږي.

دغه راز د ازموینو څخه  وړاندې د ښوونځیو له مسئولینو سره جلاجلا مجالس ترسره شول، هغوی ته  د زده کونکو تر منځ د هر ډول قومي او ژبنیوو تعصباتو د مخنیوي سپارښتنې وشوې، زده کونکو ته هم توصيې وشوې چې د ازموینې پر مهال د اسلامي امارت د تعلیم او تربیې اصول رعایت کړي او د معلمینو د سرغړونې په صورت کې به دمعارف مسئولین په جریان کې اچوي، تر څو څوک ونشي کولای چې د چا حق تر پښو لاندې کړي.

۲۰۱۹-۷-۲۳

Related posts